Publishers Office Management System

Book Information
Book Title	:	लेकुरवाळी Lekurvali
Book Category	:	कथा संग्रह
Book Type	:	Without Audio
Publisher	:	Utkarsh Prakashan
Author	:	Shanta Shelke शान्ता शेळके
Cover Page	:
Brief Contents	:	अनुक्रमणिका कावेरी एका सायंकाळी कणव लेकुरवाळी बालकवी स्वप्न एकेकाची लढाई काचकमळ वत्सला देशपांडे वार्धक्य कस्तुर अपराध अडगळ कणव आपल्या बऱ्याच ओळखी केव्हा आणि कुठे झाल्या हे आपल्याला मुळी आठवतच नसते. ज्यांचे आपले निकट स्नेहाचे नाते असते त्यांच्या परिचयाचा प्रारंभ आपल्या आवर्जून ध्यानात राहतो. पण रोजच्या दैनंदिन जीवनात अशी अनेक माणसे आपल्या ओळखीची झालेली असतात की, जी कशी व केव्हा आपल्या परिचयाच्या कक्षेत आली हेच आपल्याला ठाऊक नसते. मला वाटते, या माणसांच्या स्नेहाचे तसे आपल्याला काहीच अगत्य नसते आणि म्हणून ती प्रथम केव्हा व कुठे भेटली या तपशिलाचाही आपण कधी विचार करीत नाही. रस्त्याने जाताना अनेक अनोळखी माणसे आपल्याला दिसतात, गर्दीत क्वचित् त्यांचे चेहरे आपल्याजवळही येऊन जातात, पण गर्दीबरोबर ती माणसे दूर सरकली की, दुसऱ्याच क्षणी आपण त्यांना विसरूनही जातो. सर्वसामान्य परिचयाच्या बऱ्याच माणसांच्या बाबतींतही नेमके हेच घडत असते. ती योगायोगाने आपल्या जीवनाच्या कक्षेत येतात, काही काळ त्यांचा आपला परिचय राहतो आणि कालांतराने ती पुन्हा दूर जातात. त्यांचा आपण कधी विचार देखील करीत नाही. त्याच्या बाबतीत देखील असेच घडले असते. पण त्यानेच ते घडू दिले नाही. अधूनमधून पण केव्हा तरी तो एकसारखा आमच्या घरी येतच राहिला, तेव्हा त्याचे अस्तित्व मला प्रथम जाणवले. त्याची माझी ओळख केव्हा व कुठे झाली हे माझ्या मुळी ध्यानातच नव्हते. पण मग बोलता बोलता त्यानेच एकदा मला सांगितले की, पाचसात वर्षांपूर्वी प्राज्ञच्या की विशारदाच्या कसल्या तरी वर्गांना काही पुस्तके मी शिकवीत असे तेव्हा तो त्या वर्गात विद्यार्थी या नात्याने येत असे. नंतर परीक्षेच्या वेळी त्याला हवी असलेली अभ्यासाची दोन तीन पुस्तके मी दिली होती व ती त्याच्या फार उपयोगी पडली होती. परीक्षा होताच त्याने ती मला परत केली होती. परीक्षेत तो नापासच झाला होता, पण परीक्षेच्या वेळी मी त्याला जी मदत केली होती तिचे मोल त्याला फार वाटले होते व म्हणून शिक्षक-विद्यार्थ्याचे नाते संपल्यानंतर देखील अधूनमधून पण केव्हातरी तो आमच्याकडे येतच राहिला होता? लेकुरवाळी यापूर्वी आजूबाजूच्या घरात किंवा शेजारीपाजारी तिला कधी पाहिल्याचे मला आठवत नव्हते. त्यामुळे एका सुरेख सकाळी, अगदी चहाच्या वेळी, ती जेव्हा अकस्मात आमच्या घरी माझ्या पुढ्यात येऊन उभी राहिली तेव्हा मला नवलच वाटले. मी तिच्याकडे न्याहाळून बघू लागले. ती होती एक मांजरी. दिसायला चांगली देखणी. तिचा बांधा लहानखुरा होता. केसांचा रंग कबरा. तोंडाच्या एका बाजूला आणि पोटावर मात्र ती पांढरी स्वच्छ होती. कान इवलेसे, ताठ. नाक चांगले सरळ. चेहऱ्याची एकंदर ठेवण आकर्षक. पण सर्वांत लक्ष वेधून घेत होते ते तिचे डोळे. बहुधा साऱ्याच मांजरांचे डोळे चमकदार असतात, पण या मांजरीच्या डोळ्यांच्या कडा अक्षरशः काजळ घातल्यासारख्या काळ्याभोर होत्या. त्यामुळे तिच्या त्या गोल चमकदार डोळ्यांना काही विशेष शोभा आली होती आणि तेच डोळे माझ्यावर रोखून काहीशा संशयाने तर काहीसा माझ्या स्वभावाचा अंदाज घेण्याच्या हेतूने ती माझ्याकडे टक लावून, रोखून बघत होती. मला मांजरे नेहमीच आवडतात; पण ही मांजरी बघून मला तिच्यासंबंधी विशेष सहानुभूती, प्रेम वाटू लागले. कारण ती गाभण होती. तिचे दिवस अगदी भरत आलेले असावेत. तिचे इवलेसे नाजूक शरीर अवघडले होते आणि मुखावर एक दीन, केविलवाणा भाव होता. मला तिची करुणा आली. मी हाताने खुणावून तिला जवळ बोलावले; पण ती काही केल्या येईना. दुरूनच डोळे मोठे करून मजकडे सारखी बघत होती. मी जरा पुढे सरकून तिच्या पाठीला हात लावला. त्याबरोबर झपकन माझ्या हातावर पंजा मारून ती पळून गेली.
Price	:	US$ 7 Buy Now
Is this Book a 'New Arrival'?	:	No

Best viewed on Microsoft Internet Explorer 6.0+